Punchng.com. Meurzh 25, 2013. Tud armet o deus lazhet 25 den ha dieubet 120 prizoniad en Adamawa. Meur a daol start a zo bet abaoe ur pennadig a-hed da vevenn Nijeria ha Kameroun. Peder zagadenn a zo bet e Ganye e Stad Adamawa digwener. tennet zo bet war un ostaleri, un ti-bank, ur gward toull-bac'h hag ouzhpenn war un toull-bac'h ha lazhet pemp den warn-ugent. Douetañs zo ez eo ar strollad emsavet Boko Haram o defe graet an taolioù-se.

Mouammar Kadhafi, oadet a 69 bloaz, zo marvet d'an 20 a viz Here 2011 e Sirt. Kavet eo bet an diktatour gloazet e-barzh un duelenn ha lazhet eo bet diouzhtu goude. Un deiziad istorel eo evit Libia, fin an tiranterezh hag an diktatouriezh ?

D'ar Sul 16 a viz Here 2011, ez eus bet, etre 3 000 ha 5 000 den o vanifestiñ war vali Mohamed V e Tunis (Tunizia), en ur ganañ, meur a wech, o c'han-broadel. War-bouez daou pe dri anterinour o deus klasket lakaat jeu da sevel, ez eo chomet sioul an dud hag ar vanifestadeg dre-vras. Eno emañ al lodenn vrasañ eus ar maouezed, memes ar reoù goueliet, a-enep. Ar reoù a vanifeste a zo kentoc'h eus renkad begenn uhelañ ar gevredigezh. Aon o deus ec'h errufe an Islamourien e penn an dilennadegoù, disul o tont, dre ma n'o deus ket c'hoant kaout un diktatouriezh nevez.

Emañ ar re yaouank o vanifestiñ e straedoù Mayotte war an div enezenn, an Douar-bihan hag an Douar-bras, dre ma’z eo kresket re priz an danvezioù a vez ar muiañ a ezhomm anezhe evel ar boued pe ar gaz,... Se a oa diriaou tremenet hag e-pad ar manifestadegoù-se ez eus bet ur plac'hig vihan gloazet, met he buhez n'emañ ket en arvar ken. Deuet eo an dizemglev diwar priz ar glaou ha priz an askelloù kig-yar krazet, hag a zo meuz karetañ ar Vahoreed. Da c'hortoz ez eus bet lakaet muioc'h-mui a boliserien er straedoù da virout ar peoc’h.

Elenn Johnson Sirleaf, presidantez Bro-Liberia en Afrika,  he deus bet priz Nobel ar peoc'h d'ar 7 a viz here 2011 d'an oad a 72 vloaz. Dibabet eo bet abalamour m'he deus adsavet he bro a oa bet diskaret gant 10 vloaz brezel.